Çуркунне. Ака уйăхĕ.  Пĕтĕм тĕнче хĕл ыйхинчен вăранать.  Шăп çак вăхăтра И.Я.Яковлев тĕнчене килнĕ. Патриарх çуралнине халалласа акан 25-мĕшĕнче Чăваш чĕлхи кунне уявлама палăртнă. Ака уйăхĕн 22 –мĕшĕнче  Аслă Чементи вăтам шкулта  Чăваш чĕлхи эрни уçăлчĕ.  Ирхине   1-11 класс ачисем коридора линейкăна пуçтарăнчĕç.  Басова Л. Н. ачасене чăваш чĕлхипе литература тата КРК  эрнин планĕпе паллаштарчĕ.  Шкул шайĕнче иртекен пĕрремĕш мероприяти - вулавăшра йĕркеленĕ кĕнекесен куравĕ пулчĕ. Тăхтав вăхăтĕнче ачасем  И. Я. Яковлева халалланă кĕнекесемпе паллашрĕç. Тата çак кун 5-11 класс ачисем тĕрлĕ йăла-йĕркепе çыхăннă стена хаçачĕсем кăларчĕç. Малалла та чăваш чĕлхи эрни интереслĕ пуласса шанатпăр.