Чăвашсен легендарлă геройě В.И.Чапаев çуралнăранпа нарăс уйăхěн 9-мěшěнче 130 çул çитрě. Çак манăçми  паттăра халалласа  Аслă Чементи вăтам шкулта 4-мěш класс ачисемпе килти вулав урокě иртрӗ. Урокра ачасем Нестер Янкасăн «Чапаев вилěмě» сăввине палăртуллăн вуласа тишкернě хыççăн чăваш паттăрěн пурнăçне, унăн кун-çулне çутатса паракан мультимедийлă презентаципе паллашрӗç. Вулав, курав хыççăн вěрентекен ыйтăвěсем çине хуравлакансем хушшинче Ежова Екатерина, Еремеева Амалия, Абрамова Лиана,  Фролов Сергей, Григорьева Камилла маттуррисем пулчěç. Ачасем В.И.Чапаев çинчен кино, ӳкерчěксем курнине, кěнекесем вуланине асăнчěç. «В.И.Чапаевăн музейне çитсе курсан та питě аванччě, ун  пекех мухтавлă та хăюллă, харсăр  пуласчě пирěн»,- çак сăмахсемпе  юлашкинчен вӗçлерӗ урока Альбина Фёдоровна вěрентекен.