Ака уйăхĕн 18-мĕшĕнче Аслă Чемен вăтам шкулĕнче чăваш чĕлхипе литература эрни планне килĕшỹллĕн 9 класс вĕренекенĕсемпе «И. Я. Яковлев – аслă вĕрентекенĕмĕр» çавра сĕтел иртрĕ.

   Чăваш чĕлхипе литературине вĕрентекен Селиверстрова Э. И. урока çак сăмахсемпе пуçларĕ: «Чăваш халăхне çутта кăлараканĕ, Аслă Вĕрентекенĕмĕр, пирĕн патриархăмăр - çак чаплă сăмахсем пурте Иван Яковлевич Яковлев çинчен. Мĕншĕн-ха пирĕн халăх ăна çапла пысăка хурса хаклать?»

   Учитель ыйтăвне хуравласа ачасем килте хатĕрлесе килнĕ докладсемпе, презентацисемпе паллаштарчĕç. Чăваш çырулăхне йĕркелес ĕçре И. Я. Яковлевăн тỹпи калама çук пысăк пулнине çирĕплетсе пачĕç.