Çак кунсенче республика шайĕнчи «Чăваш ачи
чăвашах» V-мĕш фестиваль вӗҫленчӗ. Ăна çĕнĕ чăваш çырулăхне туса хунăранпа 150
çул çитнине халалланă. Фестивале йĕркелекенĕсем Чăваш Республикин вĕренÿ
институчĕ тата Чăваш Республикин Муркаш районĕн «А.Г. Николаев ячĕллĕ
Калайкасси пĕтĕмĕшле пĕлÿ паракан вăтам шкулĕ». Конкурсăн тĕп тĕллевĕ –
чăваш шкулĕсенче тăван чĕлхепе культурăна аталантарасси.
Фестиваль икӗ номинаципе иртрӗ:
1) «Савăнатăп эп чăваш пулнишĕн»,
2) «Вĕрентетпĕр чăвашла».
«Савăнатăп эп чăваш пулнишĕн» ӑмӑртӑва шкул çулне çитмен ачасен тата шкулта кĕçĕн классенче вĕренекен ачасен ушкӑнӗсем хутшӑнчĕç. Фестивале хутшăнакансем чăваш халăхĕн пĕр-пĕр йăли-йӗркине кăтартса паракан видеоролик ÿкерсе ярса пачĕç. Жюри членĕсем ачасем тĕрĕс те илемлĕ калаçма пĕлнине, сцена çинче мӗнле тытнине, тумпа йăла-йĕрке содержанийĕ килĕшсе тăнине хакларӗҫ. Пурĕ ăмăртăва 43 ушкăн хăйсен ĕçне тăратнă, вӗсем шутӗнче Аслă Чементи вăтам шкул ачисем те пулчĕç. 3 класра вĕренекенсем Васильева З.В. ертсе пынипе призёрсен йышне кĕме пултарчĕç.
Хастар ачасене саламлатпăр, малаллла та çитĕнÿсем тума сунатпăр