Нарăс уйăхĕн 21-мĕшĕнче пĕтĕм тĕнче Тăван чĕлхе кунне паллă тăвать. Ҫавна май Аслă Чемен вăтам шкулĕнче 5 класра вĕренекенсем Патăрьел районĕнче ҫуралса ӳснĕ илемлĕ сăмах ăстисен: Юхма Мишши, Митта Ваҫлейĕ, Марина Карягина, Юлия Силем, Людмила Сачкова, Ева Лисина, Геннадий Айхи, Алексей Талвир, Василий Давыдов-Анатри, Раиса Сарпи, Николай Исмуков, Альбина Юрату, Николай Кушманов, Владимир Степанов - пултарулăх йĕрĕпе тĕплĕнрех паллашрĕҫ. Хамăр тăрăхра ҫуралса ӳснĕ талантлă ҫыравҫăсем чылай пулнишĕн хĕпĕртерĕҫ те, мăнаҫланчĕҫ те. Вĕсен хăш-пĕр хайлавĕсене вулани ҫинчен хавхаланса каласа пачĕҫ.