Ваттисен сăмахĕсем — ламран лама куçса пыракан сăнарлă сăмахсем. Вĕсем шухăша кĕскен, çивĕччĕн те ытарлăн палăртаççĕ. Ваттисен сăмахĕсенче халăхăн кун-çулĕ, ăс-хакăлĕ, шухăшлавĕ, тĕнчекурăмĕ ӳкерĕннĕ.

    Тăван чĕлхе кунне халалласа  11-мĕш класра «Ваттисен сăмахĕсем – ăслă, тарăн шухăшсем» темăпа килти вулав урокĕ иртрĕ. Ачасем ваттисен сăмахĕсен шухăш тарăнлăхне тишкерчĕҫ, кĕске сăмахпах нумай калама пулнине палăртрĕҫ. Вырăнлă каланă ваттисен сăмахĕ пирĕн пуплеве сăнарлă тăвать, вулаканăн е итлекенĕн асĕнче юлать, пуплеве пурнăç чăнлăхĕпе тачă çыхăнтарать тесе пĕтĕмлетӳ турĕҫ.