Чăваш чĕлхи пире чăваш пулма кирлĕ. Чăваш çĕр-шывне чăвашла хастарлăхпа юратса аталантарса пыма кирлĕ.

   Нарăс уйăхĕн 22-мĕшĕнче Аслă Чемен вăтам шкулĕнчи 9-мĕш класра тăван чĕлхе кунне халалласа «Упрар тăван чĕлхемĕре» темăпа чăваш литератури урокĕ иртрĕ. Вĕрентекенпе пĕрле ачасем паллă ҫынсем тăван чĕлхе ҫинчен каланă цитатăсемпе паллашрĕҫ. Кăмăла кайнă сăмахсене ҫыра-ҫыра илчĕҫ, сӳтсе яврĕҫ. «Кашни ачара, кашни çынра наци мăнаçлăхĕ пулмалла, хамăр чăваш пулнине туйса тăмалла, Вара эпир чăн-чăн патриотсем пулăпăр,»- тесе пĕтĕмлетрĕҫ ачасем урока.