2022 çулхи нарăс уйăхĕн 26-мĕшĕнче И.Н.Ульянов ячĕллĕ Чăваш патшалăх университетĕнче регионсен хушшинче чăваш чĕлхипе литератури олимпиади иртрĕ. Олимпиадăн тĕллевĕсем – 9-11-мĕш классенче вĕренекен пултаруллă ачасене тупса палăртасси, чăваш чĕлхипе литературине лайăхрах вĕренме хавхалантарасси. Вĕренекенсем хăйсен пĕлĕвне, тавракурăмне тĕрĕслесе олимпиадăн кăткăс ыйтăвĕсене хуравлама тăрăшрĕç. Ятарлă жюри ачасен ĕçĕсене тимлĕн пăхса тухса тивĕçлĕ хак пачĕ.

Олимпиадăна Патăрьел районĕнчен 9 вĕренекен хутшăнчĕ.  Аслă Чементи вăтам шкулта 11-мĕш класра вĕренекен Ежова Екатерина  иккĕмĕш ҫул призер ятне ҫĕнсе илме пултарчĕ. Унăн вĕрентекенĕ – Селиверстрова Эльвира Ильинична.

   Регионсем хушшинчи олимпиадăра малти вырăнсене çĕнсе илме пултарнă вĕренекенсене тата вĕсен ертÿçисене саламлатпăр, вĕренӱре тата кулленхи ĕçре çитĕнÿсем тума ҫирĕп сывлăх сунатпăр.