Ака уйăхĕн 25-мĕшĕнче чăваш халăхне çутта кăларакан Иван Яковлевич Яковлев çуралнăранпа 175 çул çитнине тата Чăваш чĕлхин кунне халалланă мероприяти иртрĕ. 3-мĕш класра вĕренекен ачасем унăн пурнăçĕпе, ĕçĕ-хĕлĕпе тĕплĕн паллашрĕç. Ачасем И.Я. Яковлев çырнă ача-пăча хайлавĕсем тăрăх ӳкерчĕксем ӳкерчĕҫ.Чи илемлĕ ӳкерчĕк Семенова Камиллӑн пулчĕ. Чăваш чĕлхине, тăван чĕлхене упрамалли тата  ăна юратмалли çинчен калаçрĕç, илемлĕ сăвăсем вуласа пачĕç. И.Я. Яковлев çинчен çырнă кĕнекесемпе паллашрĕç, кĕнекесен выставкине йĕркелерĕç. Мероприяти пурне те килĕшрĕ.