Сǎр тата Хусан хӳтĕлев чиккисене тǎвакансен ĕҫ паттǎрлǎхне чысламалли уйǎхлǎх пынǎ май эпир те, Патǎръел районĕн ИЗО, технологи предмечĕсене вĕрентекенсем 2023 ҫулхи юпа уйǎхĕн 7-мĕшĕнче Куславкка округӗнчи Куснар ялӗ ҫывӑхӗнче Сӑр тата Хусан хӳтӗлев чиккисене тӑвакансене халалланӑ мемориалта пулса куртǎмǎр. Аслǎ Аттелĕх вǎрҫи вǎхǎтĕнче тылри вǎй питти ҫынсене окоп чавма илсе кайнǎ. Пирĕн асаннесем, мǎн асаннесем ун чухне ача-пǎча ҫеҫ пулнǎ. Йывǎрлǎхсенчен хǎрамасǎр, шартлама сивве пǎхмасǎр, пĕтĕм вǎй-халне шеллемесĕр  вĕсем ҫак тǎрǎхра пысǎк та пархатарлǎ ĕҫ тунǎ.

      Темĕн чухлĕ вǎхǎт иртнĕ пулсан та, эпир ĕҫ паттǎрĕсене яланах асра тытатпǎр.