Анне кунне халалласа Чăваш Республикин вĕренӳ институчĕ Чăваш наци конгресĕпе пĕрле юпа уйăхĕн 25-мĕшĕнчен пуçласа чӳк уйăхĕн 30-мĕшĕччен «Тавах, аннеçĕм!» акци ирттерет. Акцие хутшăнас текенсен анне çинчен сăвă каласа е юрă юрласа видео ӳкермелле те Интернетăн хутшăну тетелĕсене #таваханнеçĕм, #спасибомама хештегсемпе вырнаçтармалла. Ҫак акцие хутшăнма 5-мĕш класра вĕренекенсем те кăмăл турĕç, Наталия Хушкина çырнă сăвва вуларĕç.